المساعد الشخصي الرقمي

مشاهدة النسخة كاملة : سؤال لكل مغترب

شامية
02-06-2003, 02:59
لو كنت هلء هلء هلء ببلدك.....شو كنت رح تعمل؟؟؟؟؟
شامية
02-06-2003, 03:00
ورح جاوب اول وحده..

لو كنت هلء بالشام...رح جيب ورد جوري ابيض وبوزعو على كل المحبين
بعدين رح امشي...ما اترك ابو رمانة على شعلان على جاحظ على مالكي...........
وبس خلص بروح انا ورفقاتي على بيت جبري
نسمع فيروز وناكل مناقيش زعتر وجبنة عالصاج...
(على فكرة يلي مو دايق مناقيش بيت جبري...معناها ما بيعرف شو يعني مناقيش..)

وبس نخلص بنروح ناكل صبارة بساحة اورمانة ما غيرها...(مع انو لسه بكير عالصبارة)


انتو شو رح تعملو؟؟
wsm
02-06-2003, 03:30
:rolleyes: ------------

أول شغلة بدي اعملها

بدي أرمي حالي تحت أقدام أمي وأقبلها

هدا كل شئ بتمناه :(
Dry Zero
02-06-2003, 03:34
الله يرعجكم بالسلامة يا رب


::: انا مغترب ع الشام :::

بس سوريا

بيصير حط رأيي وللا لأ


:)
أبو نغم
02-06-2003, 04:04
اول حاجه حعملها أول ما أكون فى بلدى

حقول عمااااااااااار يا أم الدنيا

تحياتى
شامية
02-06-2003, 04:33
شكرا على اجوبتكم
وطبعا حط رأيك زيروووووووووووووو

wsm
الله يخليك امك وتشوفها قريبا يارب ( أثرت فيني كتير اجبتك وقلت الحمد لله انا مع اهلي...الله يوفقك)
أبو عُبَادَه
02-06-2003, 04:42
أما انا فرح أطلع على قاسيون واصرخ من فوق ياشااااااااااااااااااااااااااام
مشتقلك :(
chokolah_ammar
03-06-2003, 03:35
ولي يعني ما تركتو للواحد خيارات كتير
بس والله ما خطر على بالي شو بدي اعمل
بس يمكن لو بكون بالشام هلاء
بلزق و بعتكف بالبيت كم يوم لشوف اهلي
لانو كتير مشتاقلون ...

بس بتعرفوا شو والله الارجيله بسوريا الها طعمه تانيه
او على جبل قاسيون او بالبرنده والناس قدامك عم يتمشو
وانت عم تارجل اللللللللللللللللللله
Dry Zero
08-06-2003, 02:54
Originally posted by شامية@2-06-2003, 01:33 pm
شكرا على اجوبتكم
وطبعا حط رأيك زيروووووووووووووو




من قاسيون اطل يا وطني


فأرى دمشق تعانق السحبا


..............



:)
ملاك يافا
08-06-2003, 05:13
يا الله ...
رح ساوي . .
وساوي .. ..
رح اجمع ابي وامي واخوتي وولادهم واقعد بوسطهم اتأملهم واحد واحد ..
ابوس ايد ابي .. ابكي بحض امي .............اااااااااااه بس ااااااااه

بكيتوني ...

.

.

.
GOLDIN
16-06-2003, 12:56
السلام عليكم
صعب كتير الواحد يحكي شو بدو يعمل وقت بينزل
و مهما حكى الانسان بضل الي عم يحكيه احلام عم يحاول يقنع حالو انو رح يعملها
بس بعتقادي انو اول شي رح يعملو اي انسان انه يشم الهوى و ياخد نفس عميق اول ما تطئ رجلو الارض الي طلع منها
وقتها بيتاكد من الي رح يعملو
بتمنى للجميع العوده باسرع وقت ممكن و هنن باحسن حال
شامية
17-06-2003, 04:32
امين...شكرا الك جولدن..


موفقين...
عصفورة ايلول
17-06-2003, 08:22
شامية وين بكداش والنوفرة
انشاء الله بترجعي بالسلامة
عندما كنت اعود من السفر بعد السلام والعناق
كنت اخلع خذائي واطير الى البستان المحيط بالمنزل
واتشقلب على العشب
واتسلق الاشجار
واشرب المتة والاركيلة سامع يا عمار
عند حافة النهر
شامية
17-06-2003, 10:44
احلى عصفورة...انت


موفقين..
§ô¤*~المسافر~*¤ô§
18-06-2003, 02:37
<div align="center">الله يسعد أوقاتكم بكل خير جميعا

بصراحة شدني العنوان للدخول مع اني كنت حاسس من البداية انه راح يكون مؤثر وفعلا ماتوقعته كان صائبا

في البداية أشكر الأخت شامية من أعماق قلبي على إثارة شجوننا نحو وطننا الغالي وبهذا الموضوع جعلت كل شخص فينا يسرح ويسافر في بحر الخيال ليترك لدقائق معدودة حرقة السفر والغياب والبعد عن الاحباب والحرمان من تراب الوطن ويعيش في تلك الدقائق المعدودة أجمل شعور وأجمل سعادة تخطر على أي بال ألا وهي سعادة وجودنا في وطننا مع أحبابنا وأهلنا

بالحقيقة مالي عارف شو اكتب احلاااام كثيرة مالي عارف من وين ابدا
أول شي قبل ماانسى بحب قول للاخ الغالي wsm الله يرجعك بالسلامة يارب ويطول بعمر والدتك ولا يحرمك منها يارب لانه اصعب شي بهالكون الحرمان من الوالدة لاني محروم من والدتي وبعرف شو معنى الحرمان من الام وحنانها الله يارب يطول بعمر امهات الجميع يارب

ثاني شي الله يارب ياكريم يرجع كل واحد بعيد عن أهله وعن وطنه وعن أحبابه سالم غانم مرفوع الراس قرير العين

ثالث شي بنرجع لموضوعنا الاساسي اللي هو شو راح ساوي اول مااحط رحالي ببلدي الغالي دمششششششق

طبعا اول شي سهرة بجبل قاسيون بليلة يسطع فيها البدر وهو مكتمل على أنغام أم كلثوووووووووم لغاية الفجر حين ظهور خيوطه وتغلبها على غسق الدجى وزقزقة العصافير وتلك النسمة الباردة اللتي ترد الروح وتشفي العليل مع أنغام السيدة فيروز </div>

<param name="BACKGROUNDCOLOR" <br /><embed src=[فقط الأعضاء المسجلين والمفعلين يمكنهم رؤية الروابط] align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true">

<marquee>أرجو أن تقبلوا مني هدية المقطع المرفق للسيدة فيروز </marquee>
بنت الإسلام
20-06-2003, 01:23
مرحبا ياجماعة

والله انو الموضوع كتير كتير كتير حلو ومؤثر
عن جد اول ما قريتو قلت الحمد الله انو انا هون مع اهلي وببلدي

الله يرجعكون كلكون عالبلد بالسلامة
ومشتاقين

:::::::::الصفر الثنائي:::::::::
:( :( :(
شامية
20-06-2003, 03:26
شكرا الكم كتير...

الله يرجعك بالسلامة يا مسافر...وشكرا على الغنية الرائعة..

Pair Zero شكرا على الرد....جاييييييييييييييييييييييييين ان شاء لله


موفقين..
Dry Zero
20-06-2003, 04:14
Originally posted by شامية@20-06-2003, 12:26 pm
شكرا الكم كتير...

الله يرجعك بالسلامة يا مسافر...وشكرا على الغنية الرائعة..

Pair Zero شكرا على الرد....جاييييييييييييييييييييييييين ان شاء لله


موفقين..
<div align="center">

بالسلامه


أشرقت وأنورت


:) </div>
§ô¤*~المسافر~*¤ô§
24-06-2003, 03:20
<div align="center">شكرا الك ياشامية وترجعي بالسلامة يارب
وشكرا لذوقك </div>



<div align="center">[فقط الأعضاء المسجلين والمفعلين يمكنهم رؤية الروابط]>
عصفورة ايلول
29-06-2003, 01:58
الى المسافر الغالي
الله يعوضك عن الوالدة
ويرجعك بالسلامة عالشام وبتسهر للصبح على قمة قاسيون
مع انغام ام كلثوم
بس لحد ما ترجع شد الهمة
شامية :مهما اتاخر بكرا بدو يجي
شامية
29-06-2003, 02:39
صحيح عصفورة......


موفقين..
TIGERMAN
29-06-2003, 09:43
مابعرف شو بدي جاوب
كنت عملت كتير شغلات
...................................

انا حاليا مغترب بلبنان
عصفورة ايلول
30-06-2003, 10:25
لبنان مش بعيدة ياtigermn بس انشاء الله بترجعوا بالسلامة كلكم
GOLDIN
04-07-2003, 04:21
تيغر مان
عم بتقلي في لبنان
حرام عليك و الله
يا رجل المسافة ما بينحكى فيها اصلا وين الاغتراب
بتعرف انا كنت بعمل في مدينة جده و عندي اخي و اصحابي في الرياض المسافة تقريبا بينهم الف كيلو
اقسم بالله كل اسبوعين بروح وم برجع من خميس بعض الظهر الي يوم السبت صباحا بكون في عملي 7.30 صباحا
و هي المسافة كلها بي ست ساعات
يعني لو كنت محلك انا بنام بحلب و برجع على شغلي الصبح
و الله بعملها



مع تحياتي
Gauzy Zero
01-08-2003, 04:22
بتعرفي موضوعك ظريف والاظرف فكرته
من ناحيتي اول شغلة بعملها وبصراحة شوي عملتها
بست تراب الوطن قبل ما بوس ايد الوالدة
احـ كويت ـلى
01-09-2003, 09:49
الله يردكم لبلادكم ويفرح أهلكم بشوفتكم
يا حليلكم كلكم مغتربين‍‍‍
همسات الغروب
06-10-2003, 02:35
<div align="center">و الله يا صديقى

انا بعتقد ان اول شىء هعمله

انى ابوس ارض وطنى

و اصلى لربنا انه رجعنى لها سالمه

تحياتى</div>
بروفسور كاتي
22-10-2003, 06:11
اخت شاميه .
لقد كنت بزياره لخواتي في مصر .واستمتعت جدا برؤيتهم

ولكن اول ما دخلت ورجعت لبلدي .
سقطت الدمعه من عيني ...
من شده الفرحه ...!!!
:wub: :wub: :wub:
سيف الدين الدمشقي
18-02-2004, 05:16
إن أول شيء سأفعله عندما أرجع إلى بلاد الشام هو زيارة صديقتي الغالية دمشق
ومن ثم سوف أذهب إلى غوطتها الشرقية والغربية وسوف أزور بيوتها الدمشقية
العتيقة بيت نظام وبيت جبري وبيت العظم ووووالخ ولن أنسى أبدا الذهاب إلى حي
القزازين لكي أأكل القشقوان على خبز الصاج وبعدها مباشرة سوف أذهب إلى شخص كنيته السواح يعمل بحفر الخشب وهذه العائلة من أقدم العائلات التي عملت بهذه المهنة وسوف أزور القلعة وسوف وسوف وسوف وسوف



________________________________سيف الدين الدمشقي
روعة
18-02-2004, 10:09
يارب يعيدك لها سالما وترجع كما كانت ةيخرج منها كل احتلال غاشم
ALoOsH
18-02-2004, 04:20
بهديكم هي الغنية....وكلنا راجعين بإذن الله
:)
<param name="BACKGROUNDCOLOR" <br /><embed src=[فقط الأعضاء المسجلين والمفعلين يمكنهم رؤية الروابط] align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true">